شہدادپور (نمائندہ جسارت) شہدادپور پریس کلب کی جانب سے نوابشاہ پریس کلب کے صدر ذوالفقار خاصخیلی کے ساتھ اسسٹنٹ کمشنر نوابشاہ طارق سولنگی کی جانب سے بدتمیزی کرنے کیخلاف شہدادپور پریس کلب کے سامنے احتجاجی مظاہرہ کیا۔مظاہرہ میں صحافیوں نے کثیر تعداد میں شرکت کی۔اس موقع پر صدر پریس کلب کے صدر ارشاد بخاری، جنرل سیکرٹری قمرالدین ملک، قاسم کلوئی، مہدی حسن پنہور، غلام مصطفی قریشی، سندھ صحافی سنگت کے چیئرمین نور سندھی، بشیر میمن، واپڈا ہائیڈرو یونین کے رہنما متین اویس، تحریک انصاف کے رہنما لیاقت پنہور، سماجی ورکر رائو یوسف نے خطاب کرتے ہوئے کہا کہ بدمست اسسٹنٹ کمشنر نوابشاہ بااثر افراد کی پشت پناہی کی بدولت اپنی غنڈہ گردی کر کے بیٹھا ہوا ہے۔ انہوں نے بالا حکام سے مطالبہ کیا کہ اس شخص کو عہدے سے برطرف کر کے صحافیوں کو تحفظ فراہم کیا جائے، بصورت دیگر احتجاج کا دائرہ وسیع کیا جائے گا۔
