لاڑکانہ(نمائندہ جسارت) لاڑکانہ میں آوارہ کتوں نے ایک ہی روز میں چار بچوں سمیت 10 افراد کو کاٹ کر لہولہان کردیا جنہیں لواحقین نے چانڈکا شعبہ حادثات میں قائم اینٹی ربیز سینٹر منتقل کیا جہاں انہیں ویکسین دی گئی۔ سینٹر انتظامیہ کے مطابق زخمیوں کا تعلق لاڑکانہ شہر سمیت رتودیرو اور باقرانی سے ہے تمام زخمیوں کو ویکسین بھی دی گئی ہے۔ دوسری جانب ویکسین فراہم کرنے کے بعد زخمیوں کو گھر روانہکردیا گیا۔
