لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے ایس پی ہیڈ کوارٹر محمد کلیم ملک کی سربراہی میں جرائم پیشہ افراد کیخلاف کارروائیاں کرتے ہوئے مختلف مقامات سے سنگین نوعیت کے مقدمات میں روپوش و مطلوب 7 ملزمان کو اسلحہ اور چوری شدہ موٹرسائیکل سمیت گرفتار کرلیا۔ رحمت پور پولیس نے تین سے زائد مقدمات میں روپوش ملزم پہلوان کورائی کو ریوالر اور گولیوں سمیت، تعلقہ پولیس نے سنگین نوعیت کے مقدمے میں روپوش ملزم آصف کہکہرانی کو پستول اور گولیوں سمیت، سچل پولیس نے اشتہاری ملزمان مقصود عرف پوپٹ مہر اور ستار مہر کو، حیدری پولیس نے روپوش ملزم ہمت لہر کو، ولید پولیس نے آریجا روڈ سے روپوش ملزم غنی سولنگی کو، ایئر پورٹ پولیس نے دوران چیکنگ واہن چوک سے ملزم رمضان ماچھی کو گرفتار کرلیا۔ دوسری جانب دھامراہ پولیس نے چوری شدہ موٹر سائیکل برآمد کروا کر مالک ضمیر ابڑو کے حوالے کردی۔ پولیس کے مطابق گرفتار تمام ملزمان کیخلاف مقدمات درج کرکے تفتیش شروع کردی گئی ہے۔
