کراکس (انٹرنیشنل ڈیسک) ایران کی جان سے وینز ویلا بھیجے گئے تیل برادر جہازوں کی تیسری کھیپ وینزویلا کے اقتصادی زون کے قریب پہنچ گئی، جب کہ 2جہازوں سے تیل کو اتارنے کا سلسلہ جاری ہے۔ خبر رساں اداروں کے مطابق ایرانی پرچم بردار ٹینکر پیٹونیا بحر اوقیانوس کو عبور کرنے کے بعد بحیرہ کیریبین میں داخل ہوگیا ہے۔ قبل ازیں ایران کے 2تیل برادر جہاز فارچون اور فارسٹ اس سمندر کو عبور کرکے وینز ویلا کی حدود کی داخل ہوئے تھے۔ نیشنل آئل کمپنی کے زیر انتظام ایل پیلٹو ریفائنری میں وینز ویلا کے وزیر پٹرولیم نے ایرانی تیل بردار جہاز فارچون کا استقبال کیا۔
