سکھر( نمائندہ جسارت) سکھر اور اس کے گردو نواح میں گرمی کی شدت میں اضافہ ، درجہ حرارت 46 سینٹی گریڈ تک پہنچ گیا، شہری پریشان ، ٹھنڈے مشروبات کی مانگ میں اضافہ۔ سکھر اور اس کے گردونواح میں گرمی کی شدت میں اضافہ ہوگیا ہے گرمی کی شدت میں اضافے کے باعث سکھر کا درجہ حرارت 46 سینٹی گریڈ تک پہنچ گیا ، محکمہ موسمیات کے مطابق گرمی میں آئندہ ہفتے مزید اضافے کا امکان ہے ، سکھر میں شدید گرمی کے باعث لوگ گھروں میں محصور ہو گئے ہیں جبکہ سڑکوں پر ٹریفک معمول سے کم دکھائی دیا، سخت گرمی کی وجہ سے برف و ٹھنڈے مشروبات کی مانگ میں بے تحاشا اضافہ ہونے کے ساتھ نرخ بھی بڑھا دیے گئے ہیں۔
