شکارپور (رپورٹ:۔ محمد ابرہیم بروہی) شکارپور ریلوے اسٹیشن کے قریب کوئٹہ سے پشاور جانے والی جعفر ایکسپریس کی 4 بوگیا پٹڑی سے اتر گئی، جعفر ایکسپریس کی 4 بوگیا پٹڑی سے اترنے کے بعد ریلوے ٹریفک اپ اور ڈاﺅن معطل ہوگیا، 4 بوگیا پٹڑی سے اترنے کے باعث ریلوے اسٹیشن کے قریب پھاٹک کو بھی بند کردیا گیا، شہر آنے جانے والی ٹریفک کو سخت دشواری کا سامنا، ٹریک کی بحالی کے لیے سکھر سے ایمرجنسی میں مددگار ٹیمیں طلب کرلی گئی ۔ ریلوے پولیس کے مطابق جعفر ایکسپریس کی 4 بوگیاں اچانک ٹریک سے اتر گئی ہیں جعفر ایکسپریس ٹرین کی بوگیاں پٹڑی سے اترنے کے باعث مسافر کو شدید پریشانی کا سامنا کرنا پڑا ہے، حادثے کی وجوہات معلوم کرنے کے لیے پولیس جائے وقوع پہ پہنچ گئی اور تفتیش شروع کردی گئی ہے ، مسافروں کو دیگر بوگیوں میں ایک گھنٹے کے دوران شفٹ کرکے ریل کو روانہ کردیا گیا اور پٹڑی سے اترے ہوئے ریل کی بوگیاں ابھی تک شکارپور ریلوے اسٹیشن کے قریب موجود ہیں۔ واضح رہے کہ سال میں دو سے تین مرتبہ شکارپور ریلوے اسٹیشن کے قریب بوگیاں اترنے کے واقعات ہوتے رہے ہیں جبکہ مسافروں کا کہنا تھا کہ حکومت اقدامات کرے ایسانہ ہو کہ کوئی بڑا حادثہ رونما ہوجائے۔
