لاڑکانہ(نمائندہ جسارت) لاڑکانہ میں کھچی برادری سے تعلق رکھنے والے نامور اداکار صغیر الٰہی کھچی کورونا وائرس کے باعث انتقال کرگئے، تعداد 11 ہوگئی، اداکار کی تدفین ایدھی رضاکاروں نے ایس او پیز کے تحت کی۔ کورونا وائرس میں مبتلا اسٹیج، ٹی وی اور فلموں کے نامور اداکار صغیر الٰہی کھچی چانڈکا اسپتال کے کورونا آئی سی یو وارڈ میں انتقال کرگئے جن کا جسد خاکی بذریعہ ایمبولینس گھر پہنچادیا گیا جبکہ ایدھی رضاکاروں کو بھی طلب کیا گیا جن کی جانب سے ایس او پیز کے تحت انتقال کرنے والے اداکار کے جسد خاکی کو سپرد خاک کیا گیا۔ نامور اداکار کے انتقال کے بعد کھچی برادری سے تعلق رکھنے والے متوفین کی تعداد 11 ہوگئی ہے۔
