نوابشاہ(سٹی رپورٹر) نوابشاہ کے نواحی علاقے دولت پور قومی شاہراہ بائی پاس پر حادثہ کیری پک اپ ٹرک سے ٹکرا گئی دو خواتین سمیت 5 مسافر زخمی ۔ دولت پور قومی شاہراہ دینومشین بس اسٹاپ کے نزدیک فیصل آباد سے کراچی جانے والے تیز رفتار کیری پک اپ بولان اگلا ٹائر برسٹ ہونے کی وجہ سے ٹرک سے ٹکرا گئی جس کے نتیجے میں دو خواتین سمیت 5 مسافر زخمی ہوگئے ہیں جن میں 40 سالہ وکیل ولد وزیر بھٹی فیصل آباد، 30سالہ حبیب اللہ ولد عبدالرزاق بھٹی شدید زخمی ہو گئے ہیں جن کو دولت پور اسپتال منتقل کردیاگیا جبکہ ایک مسافر کی حالت نازک ہونے کی وجہ سے اس کو نوابشاہ اسپتال روانہ کردیاگیا ہے۔
