منشیات تربت سے کراچی اسمگل کرنے کی کوشش ناکام، 3 ملزمان گرفتار

کراچی (اسٹاف رپورٹر)موچکو پولیس نے منشیات تربت سے کراچی اسمگل کرنے کی کوشش ناکام بنادی ،اسمگلنگ میںملوث ایک خاتون سمیت 3ملزمان کو گرفتار اور ایک گاڑی قبضے میں لے لی۔ تفصیلات کے مطابق موچکو پولیس نے ایک خفیہ اطلاع پر تربت سے آنے والی ایک گاڑی کو روک کر اس کی تلاشی لی ، تلاشی کے دوران گاڑی میں بنائے گئے خفیہ خانوں سے بڑی مقدار میں چرس اور ہیروئن برآمد ہوئی۔
پولیس نے ملزمان کے خلاف امتناع منشیات قانون کے تحت مقدمہ درج کر کے کارروائی کا آغاز کردیا ۔