لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کے خلاف کاروائیاں کرتے ہوئے ناجائز اسلحہ اور چوری کے مقدمات میں مطلوب 3 ملزمان کو گرفتار کرکے اسلحہ، نقدی اور موبائل فونز برآمد کرلی ہیں۔ شہید الٰہی بخش سیال پولیس نے دو ملزمان حیدر ناریجو اور محبوب ناریجو کو دو پستول اور گولیوں سمیت، ولید پولیس نے ملزم سعید ملانو کو چوری شدہ دو عدد موبائل فونز اور نقدی سمیت گرفتار کرلیا ہے۔ پولیس کے مطابق گرفتار تمام ملزمان کیخلاف مقدمات درج کرکے تفتیش شروع کردی گئی ہے۔
