اسلام آباد (اے پی پی) چیف جسٹس اسلام آباد ہائیکورٹ کے ریڈر عمران خان سمیت مزید 6 افراد کے کورونا وائرس کے ٹیسٹ کی رپورٹس منفی آگئیں۔ چیف جسٹس اطہر من اللہ نے سیکرٹری اسد کھوکھر میں کورونا وائرس کی تصدیق کے بعد کورونا ٹیسٹ کرایا اور دیگر افراد کے نمونہ جات بھی لیے گئے تھے۔ چیف جسٹس اطہر من اللہ اور ان کے ریڈر عمران خان سمیت 6 افراد چیف جسٹس کے عدالتی اسٹاف پی ایس تنویر، پی ایس لقمان، پی ایس سعید، پی اے آصف مغل اور قاصد جابر میں کورونا وائرس کی تصدیق نہ ہوسکی۔ یاد رہے کہ اسلام آباد ہائیکورٹ کے تمام ملازمین کے مرحلہ وار کورونا ٹیسٹ کرائے جا رہے ہیں۔
