لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے سنگین نوعیت کے مقدمات میں مطلوب 5 ملزمان کو گرفتار کرکے منشیات برآمد کرلی ہے۔ رتوڈیرو پولیس نے رتا براج سے ملزم رابیل بپڑ کو بھنگ سمیت، تعلقہ پولیس نے سنگین نوعیت کے مقدمے میں مطلوب تین ملزمان غلام علی مہر، آصف مہر اور ارباب مہر کو جبکہ رحمت پور پولیس نے ملزم ناصر ابڑو کو گرفتار کرلیا ہے۔ پولیس کے مطابق گرفتار تمام ملزمان کیخلاف ایسے مقدمات درج کرکے تفتیش شروع کردی گئی ہے۔
