دادو(نمائندہ جسارت)کورونا وائرس کے خوف سے دوچار دادو کی عوام کیلیے بڑی خوشخبری سامنے آگئی دادو میں کورونا سے جنگ لڑنے والے تمام افراد صحتیاب ہوگئے۔سندھ کا ضلع دادو اس وقت کورونا کو سب سے مات دینے والا پہلا ضلع بن گیا۔سندھ کا ضلع دادو کورونا کو مات دینے میں اس وقت سندھ کا واحد ضلع بن گیا ضلع دادو کے ڈسٹرکٹ ہیلتھ آفیسر ڈاکٹر زاہد ڈاوچھ کے مطابق ضلع دادو کے تمام کورونا مریض کورونا سے جنگ جیت کر صحت یاب ہوگئے ہیں ۔ضلع دادو میں 15 کیسز پازیٹو آئے تھے جن میں سے 11 مختلف دنوں پر پہلے صحت یاب ہوچکے اور ان کے ٹیسٹ بھی آج نیگٹو آئے ہیں جبکہ باقی 4 مریض آج صحت یاب ہونے والے افراد اپنے گھر روانہ ہوگئے ہیں۔
