شام کے شہر افرن میں تیل سے بھرے ٹرک کے ذریعے دھماکہ کیا گیا جس میں 11 بچے اور 36 افراد ہلاک ہوئے۔
غیر ملکی نیوز ایجنسی کے مطابق دھماکہ مقامی مارکیٹ کو نشانہ بناتے ہوئے کیا گیا جہاں شہری رمضان کی خریداری کررہے تھے۔ اطلاعات کے مطابق دھماکے میں ترک حمایت یافتہ جگجو بھی مارے گئے ہیں.
سیرین آبزرویٹری کے سربراہ رامی عبدالرحمان نے تفصیلات سے آگاہ کرتے ہوئے بتایا کہ دھماکے میں 46 افراد مارے گئے ہیں جن میں 11 بچے بھی شامل ہیں جبکہ 50 زخمی ہیں۔ بعض کی حالت تشویشناک ہے جبکہ مرنے والوں میں 6 ترک حمایت یافتہ جنگجو بھی شامل ہیں۔
ترک وزارت دفاع نے حملے کا الزام کرد تنظیم پر عائد کیا ہے جبکہ امریکی وزارت خارجہ کی جانب سے واقعے کی کی شدید مذمت کرتے ہوئے کہا گیا ہے کہ درجنوں افراد کو خریداری کے وقت نشانہ بنانا بزدلانہ اور شیطانی عمل ہے۔
