ملتان:بیرونِ ملک میں پھنسے ہوئے پاکستانیوں کا خصوصی پروازوں کے ذریعےوطن واپسی کا سلسلہ جاری ہے،شارجہ سے گلف ائیر لائن کی خصوصی پرواز 215 مسافروں کو لیکر ملتان پہنچ گئی۔
میڈیا رپورٹس کے مطابق ڈپٹی کمشنر عامر خٹک نے ائر پورٹ پر مسافروں کا استقبال کیا۔
دوسری طرف محکمہ صحت نے ائر پورٹ پر تمام مسافروں کی رجسٹریشن کے بعدتمام مسافروں کی تھرمل اسکینرز کے ذریعے خصوصی اسکریننگ بھی کی۔
مسافروں کو لیبر کمپلیکس میں قائم قرنطینہ سینٹر میں منتقل کر دیا گیا ہے،14 مسافروں کو ناساز طبیعت کی بنا پر نشتر اسپتال منتقل کر دیا گیا ہے۔
محکمہ صحت کے ترجمان کا کہنا تھا کہ کرونا ٹیسٹ نیگیٹیو آنے پر مسافر اپنے گھروں کو روانہ ہو سکیں گے۔
