ٹھٹھہ، چورہ سپاری اور کتھا سپلائی کرنے کی کوشش ناکام

ٹھٹھہ (نمائندہ جسارت) ایس ایس پی ٹھٹھہ ڈاکٹر عمران خان کی ہدایات پر ٹھٹھہ پولیس کی جانب سے منشیات اور گٹکا کیخلاف کارروائیوں کا سلسلہ تیزی سے جاری رکھتے ہوئے اہم کامیابی، گٹکے میں استعمال ہونے والی چورہ سپاری اور کتھا سپلائی کرنے کی کوشش ناکام، 2 گٹکا میٹریل سپلائر ملزمان گرفتار، 1 کار برآمد۔ ایس ایچ او تھانہ ٹھٹھہ انسپکٹر سعید احمد چنا معہ اسٹاف نے دوران اسنیپ چیکنگ اٹک پیٹرول پمپ حیدر آباد تا ٹھٹھہ روڈ پر کارروائی کرکے ایک کار میں گٹکا میٹریل سپلائی کرنے کی کوشش کو ناکام بنا دیا، 2 گٹکا میٹریل سپلائر ملزمان محمد سلیم اور سید عقیل عباس رہائشی حیدرآباد کو گرفتار کرلیا، تلاشی کے دوران کار میں گٹکے میں استعمال ہونے والے 3 کٹے کتھا تقریباً (70 کلو) اور 1 کٹا چورہ سپاری تقریباً (30 کلو) برآمد کرلیا۔ پولیس نے کار کو تحویل میں لے کر ملزمان کیخلاف مقدمہ درج کرلیا۔