قومی ٹیم کے فاسٹ بولر شاہین شاہ آفریدی نے کہا ہے کہ ورلڈ کلاس بیٹسمین کو آوٹ کرنے کی خواہش پوری نہ ہو سکی۔
میڈیا سے گفتگو میں انہوں نے کہا کہ پی ایس ایل کے دوران خواہش تھی کہ دنیا کے بہترین بلے بازوں کو آؤٹ کروں مگر یہ خواہش پوری نہیں ہوئی اب جب بھی موقع ملا بابر اعظم کو آؤٹ کرنے کی کوشش کروں گا۔
شاہین آفریدی نے کہا کہ لاہور قلندرز کو پی ایس ایل میں ضرورت تھی اس لیے انجری کے باوجود کھیلا، لاہور قلندرز کے ساتھ سفر اچھا جا رہا ہے ، اسی ٹیم سے کھیلنا چاہوں گا۔
ان کا کہنا تھا کہ شاہد آفریدی مجھے بہت پسند ہیں،اسی لیےانہیں آوٹ کرنے کے بعد جشن نہیں منایا جب کہ وسیم اکرم جیسی تھوڑی سی خوبیاں آجائیں تو خوشی ہو گی۔
