سکھر (نمائندہ جسارت)غلام محمد مہر میڈیکل کالج سکھر کے بیگم نصرت بھٹو گرلز ہاسٹل کو آئسولیشن وارڈ بنانے کا فیصلہ، گرلز ہاسٹل میں ایک سو بستروں پر مشتمل آئسولیشن وارڈ بنایا جائے گا۔اس سلسلے میں جاری لیٹر کے مطابق گرلز ہاسٹل کو خالی کرانے کیلیے چار رکنی کمیٹی تشکیل دے دی گئی ہے، جس میں ڈاکٹر الطاف، ڈاکٹر صفیہ، ڈاکٹر فائزہ اور ڈاکٹر تہمینہ شامل ہیں۔ کمیٹی میں شامل اراکین طالبات سے رابطہ کرکے اقدامات کریں گی۔ اس سلسلے میں وائس چانسلر ڈاکٹر انیلا عطا الرحمن کی زیر صدارت منعقدہ اجلاس میں فیصلہ کیا گیا۔ چھٹیاں ہونے کی وجہ سے طالبات گھر اور ہاسٹل خالی ہونے کی وجہ سے حتمی فیصلہ کیا گیا ہے۔
