کراچی(اسٹاف رپورٹر) پاکستان کی ٹیبل ٹینس فیملی کی جانب سے ورلڈ ٹیبل ٹینس ڈے کے موقع پر کورونا وائرس سے بچائو کے اقدامات اور احتیاط برتنے کا پیغام دیا گیا۔ورلڈ ٹیبل ٹینس ڈے کے موقع پر ٹیبل ٹینس فیملی کی اہم فرد قومی چمپئن شبنم بلال اور ان کے شوہر بلال یاسین نے گھر کے ڈائننگ روم میں ٹیبل ٹینس کھیل کر ٹیبل ٹینس ڈے منایا۔پاکستانی ٹیبل ٹینس فیملی نے عالمی ٹیبل ٹینس ڈے کے موقع پر کہا کہ کورونا کے باعث ہماری طرح گھر میں ٹیبل ٹینس کھیلیں۔اس موقع پر شبنم بلال کا کہنا تھا کہ گھروں میں رہیں اپنی اور دوسروں کی زندگی محفوظ بنائیں۔
