سکھر( نمائندہ جسارت) سکھر میں کورونا وائرس کے پیش نظر میونسپل کارپوریشن نے شہر کے مختلف علاقوں، مین شاہراہوں اور گلی محلوں کی صفائی کا سلسلہ مزید تیز کردیا، رات دیر گئے شہر بھر میں کیمیکل کا اسپرے بھی جاری، میئر سکھر نے سختی سے ہدایات کی ہیں کہ لاک ڈائون کی صورتحال میں شہر کی صفائی ستھرائی خصوصاً کورونا سے بچائو کے لیے سڑکوں اور شاہراہوں کو دھونے کا سلسلہ مزید تیز کردیا جائے ۔سکھر انتظامیہ کا کہنا ہے کہ عوام خود کو گھروں میں محصور کرلیں تاکہ کرونا وائرس کا پھیلائو کم سے کم ہو عوام ضلعی انتظامیہ کے ساتھ ہر قسم کے تعاون کو یقینی بنائے۔
