کوئٹہ(نمائندہ جسارت)کوئٹہ میں گاڑٰی کی ٹکر سے 13 سالہ لڑکا جاں بحق ہو گیا۔پولیس کے مطابق واقعہ میر احمد خان روڈ پر پیش آیا جہاں روڈ کراس کرتے ہوئے گاڑٰی نے سریاب روڈ کے رہائشی 13 سالہ لڑکے عمر جان کو اس وقت ٹکر مار دی جب کام کے لئے گیراج جا رہا تھا ، ٹکر لگنے سے عمر جان شدید زخمی ہو گیا اسے اسپتال منتقل کیا جا رہا تھا لیکن وہ راستے میں زخموں کی تاب نہ لاتے ہوئے چل بسا ، لاش کو اسپتال منتقل کیا گیا جہاں ضروری کارروائی کے بعد اسے ورثاء کے حوالے کر دیا گیا ، واقعے کے بعد ڈرائیور گاڑی سمیت فرار ہو گیا ، پولیس نے مقدمہ درج کرکے ملزم کی تلاش شروع کر دی۔
