بہاولپور(صباح نیوز)بہاولپور کے قریب خیرپور ٹامیوالی روڈ پر کار درخت سے ٹکرا گئی جس کے نتیجے میں 3 افراد موقع پرہی جاں بحق اور ایک شخص شدید زخمی ہو گیا۔ جاں بحق ہونے والے افراد میں ایک خاتون بھی شامل ہے۔ حادثہ تیز رفتاری کے باعث پیش آیا۔ بہاولپور کے نواحی علاقہ خیر پور ٹامیوالی میں تیز رفتار کار بے قابو ہو کر درخت سے ٹکرا گئی جس کے نتیجے میں خاتون سمیت 3 افراد موقع پر جاں بحق ہو گئے جبکہ ایک زخمی شخص ہو گیا۔ نعشوں اور شدید زخمی شخص کو تحصیل ہیڈ کوارٹرز اسپتال خیر پور ٹامیوالی منتقل کر دیا گیا ۔ پولیس نے موقع پر پہنچ کر شواہد اکٹھے کیے۔
