سکھر، بچل شاہ میں معمولی بات پر جھگڑا، چاقو کے وار سے دو نوجوان زخمی، ورثا کا احتجاجی مظاہرہ

سکھر (نمائندہ جسارت) بچل شاہ میں معمولی بات پر جھگڑا، چاقو کے وار سے دو نوجوان زخمی، ورثا کا ملوث افراد کیخلاف احتجاجی مظاہرہ۔بچل شاہ میانی کے مکینوں معشوق، شہزادو، ممتاز و دیگر نے سول اسپتال سکھر کے باہر احتجاج کرتے ہوئے بتایا کہ علاقے کے بااثر افراد و دیگر نے معمولی بات پر جھگڑے کے دوران چاقو مار کر ہمارے دو نوجوانوں غلام علی ولد شہزادو، سراج احمد ولد امام علی میرانی کو شدید زخمی کردیا۔ واقعہ کی اطلاع متعلقہ تھانے کو دی مگر پولیس ابتک ملزمان کو گرفتار کرنے میں ناکام ہے۔ ملوث افراد شکایات پر دھمکیاں دے رہے ہیں۔ مظاہرین نے حکام بالا سے نوٹس لے کر انصاف و تحفظ فراہمی کا مطالبہ کیا ہے۔