میرپور خاص (نمائندہ جسارت) تعلقہ ا یجوکیشن آفیسر حسین بخش مری، میل پرائمری آفیسر محمد جمن مری نے کہا ہے کہ محکمہ تعلیم سندھ کی جانب سے سرکاری اسکولوں میں بہتر کارکردگی دکھانے والے اساتذہ کی حوصلہ افزائی کی جارہی ہے۔ اس امر کا اظہار انہوں نے گورنمنٹ پرائمری اسکول بہرام مری کے ہیڈماسٹر امیر علی ناریجو کو بیسٹ ٹیچر ایوارڈ 2019ء دیتے ہوئے کیا۔ انہوں نے بتایا کہ مذکورہ استاد کو طلبہ کے امتحانی نتائج 100 فیصد آنے اوربہترین کارکردگی پر ایوارڈ دیا گیا ہے اور تعلقہ میں قابل اور باصلاحیت اساتذہ کرام کی بھرپورطریقے سے حوصلہ افزائی کی جا رہی ہے ۔
