سکھر (نمائندہ جسارت) سکھر میں پولیس مقابلہ، تھانہ کندھرا کی حدود لنک روڈ کے قریب پولیس پارٹی کا واردات کے ارادے سے کھڑے ڈاکوؤں سے مقابلے کے نتیجے میں متعدد سنگین مقدمات میں مطلوب خطرناک ڈاکو زخمی حالت میں گرفتار، چھینا ہوا رکشہ اور اسلحہ برآمد دو فرار۔ ایس ایس پی سکھر عرفان سموں کے مطابق گرفتار ڈاکو غوث پور کچے میں اغوا برائے تاوان میں ملوث جاگیرانی گینگ کا سرغنہ و سہولت کار مانا جاتا ہے۔ گرفتار زخمی ڈاکو، قتل اغوا برائے تاوان، اقدام قتل موٹ رسائیکل چوری ڈکیتی، پولیس مقابلوں سمیت متعدد سنگین جرائم میں سکھر و دیگر اضلاع کی پولیس کو مطلوب تھا۔ گرفتار ڈاکو کی شناخت جبار ولد عبدالرزاق اوگاھی سکنہ ولیج خیر محمد منگھنار کے نام سے ہوئی ہے۔ ملزمان کے قبضے سے چھینا گیا رکشہ، ٹی ٹی میگزین پستول گولیاں برآمدکی گئی ہیں۔ زخمی ڈاکو کو تعلقہ اسپتال منتقل کردیا گیا۔ دیگر فرار ڈاکوؤں کی گرفتاری کے لیے تعاقب اور علاقے میں سرچ آپریشن کیا جارہا ہے، ملزم کا کرمنل ریکارڈ دیگر اضلاع سے معلوم کیا جا رہا ہے۔
