لندن: کورونا وائرس نے دنیا بھر میں تیل کی قیمتیں گرا دی، عالمی منڈی میں تیل کی قیمت 20 فی صد تک کم ہو گئی۔
تفصیلات کے مطابق کورونا وائرس نےدنیا بھر میں معاشی عدم استحکام پیدا کردیا ہےوہیں عالمی منڈی میں تیل کی قیمت 20 فی صد تک کم ہو گئی ہے ۔قیمتیں سعودی عرب کی جانب سے ایشیا، یورپ اور امریکا کیلئے تیل کی فی بیرل قیمت 6 سے 7 ڈالر گھٹانے کے بعد کم ہوئیں۔
کورونا وائرس کے پیش نظر جمعہ کو روس اور اوپیک ممالک کے درمیان تیل کی پیداوار گھٹانے پر اتفاق نہیں ہوسکا تھا جس کے بعد سعودی عرب نے تیل کی قیمت کم کرنے کا اعلان کیا۔
تیل کی قیمت کم ہونے سے دنیا بھر کی اسٹاک مارکیٹس میں شدید مندی دیکھی جارہی ہے ۔
