نوابشاہ (ڈسٹرکٹ رپورٹر) کاکا پوٹا کالونی میں گتے کے گوادم میں آگ لگ گئی جس کے باعث لاکھوں روپے مالیت کا سامان جل کرراکھ ہوگیا، فائر بریگیڈ کی گاڑیاں برقت نہ پہنچنے سے آگ پھیل گئی، آگ شارٹ سرکٹ کے باعث لگی۔ کاکا پوٹا کالونی میں واقعے گتے کے گودام میں اچانگ آگ بھڑک اٹھی، جس نے دیکھتے ہی دیکھتے پورے گودام کو اپنی لپیٹ میں لے لیا اور آگ کے شعلے آسمان سے باتیں کرنے لگے۔ واقعے کی برقت اطلاع دینے کے باوجود بھی فائر بریگیڈ کی گاڑیاں برقت نہ پہنچ سکیں جس کے باعث آگ نے پورے گودام کوخاکستر کردیا۔ گودام کے مالک قاری فیصل کا کہنا تھا کہ علم نہیں ہے کہ گودام میں آگ کیسے لگی، تاہم اندازہ ہوسکتا ہے کہ شارٹ سرکٹ کے باعث آگ لگی ہو، تحقیقات کے بعد اصل حقائق سامنے آئیں گے۔
