راولپنڈی(نمائندہ خصوصی) اسلام آباد یونائیٹڈ کے کپتان شاداب خان کی پی ایس ایل5 میں شاندار بیٹنگ کا سلسلہ جاری ہے، پشاور زلمی کے خلاف راولپنڈی ا سٹیڈیم میں کھیلے گئے میچ میں انہوں نے 42 گیندوں پر 77 رنز کی دھواں دار اننگز کھیلی جس میں 4 چھکے اور 5 چوکے شامل تھے، یہ ان کی پی ایس ایل کیریئر کی بہترین اننگز ہے، وہ اب تک6 اننگز میں 47.40 کی اوسط سے 237 رنز بنا چکے ہیں جس میں 3 نصف سنچریاں شامل ہیں، وہ زیادہ رنز بنانے والوں کی فہرست میں دوسرے نمبر پر آگئے۔
