ڈیرن سیمی نے مردان کے بچے کی  ملاقات کرنے کی دلی خواہش پوری کر دی

اسلام آباد(نمائندہ خصوصی) پشاور زلمی کے ہیڈ کوچ ڈیرن سیمی نے مردان سے تعلق رکھنے والے10 سالہ بچے شاہ خان سے ملاقات کرکے ان کی دلی خواہش پوری کر دی۔ شاہ خان نے ڈیرن سیمی کی تصویر بنا کر سوشل میڈیا پر اپ لوڈ کی تھی اور سیمی سے ملنے کی خواہش کا اظہار بھی کیاتھاڈیرن سیمی نے سماجی رابطوں کی ویب سائٹ ٹوئٹر پر تصویر کے جواب میں لکھا تھا کہ یہ کہاں سے تعلق رکھتے ہیں، میں ان سے ملنا چاہتا ہوں۔ گزشتہ روز سیمی نے شاہ خان کو خصوصی طور پر مردان سے اسلام آباد بلایا اور ان سے ملاقات کی۔
ملاقات کے دوران شاہ خان نے ڈیرن سیمی کو اپنی بنائی ہوئی پینٹنگ بطور تحفہ دی جب کہ ڈیرن سیمی نے ننھے پینٹر شاہ خان کو زلمی کی شرٹ بطور تحفہ دی۔