دادو (نمائندہ جسارت) دادو شہر کی نجم کالونی کے رہائشی اور پائلٹ ہائی اسکول کے تین طالب علم ولی محمد عرف مسعود ولد ارشاد، یامین علی بھنڈ ولد یاسین بھنڈ اور فرحان علی برہمانی پیر کے دن صبح بجے گھر سے اسکول کے امتحانی فارم بھروانے کے لیے نکلے مگر تاحال واپس نہیں لوٹے۔ ورثا کی جانب سے بچوں کو اغوا کیا جانے کا شک ظاہر کیا ہے۔ متاثر ورثا کریم بخش ناریجو، نصیر بھنڈ، نور محمد، ایاز علی اور دیگر نے دادو پریس کلب پہنچ کر پریس کانفرنس میں کہا کہ پیر کے روز بچے امتحانی فارم بھروانے کے لیے نکلے تھے جو اب تک گھر نہیں لوٹے، ہمیں شک ہے کہ بچوں کو اغوا کیا گیا ہے، جس کی اطلاع دادو کے تھانے اے سیکشن پہنچ کر کمپلین درج کروائی ، پولیس معاملے کو سنجیدگی سے نہیں لے رہی، ہم بہت پریشان ہیں۔ انہوں نے آئی جی سندھ سے نوٹس لینے کا مطالبہ کرتے ہوئے کہا کہ ہمارے بچے جلد بازیاب کرائے جائیں۔
