کراچی (اسٹاف رپورٹر) صدر پولیس نے بیرون شہر سے آنے والی ایک بس سے 50 ہزار سرجیکل ماسک برآمد کر لیے۔پولیس کے مطابق خفیہ اطلاع پر صدر بس اڈے کارروائی کرتے ہو ئے کوئٹہ سے کراچی آنے والی بس سے 50 ہزار سرجیکل ماسک برآمد کیے گئے۔ پولیس نے کارروائی میں کسی شخص کو حراست میں نہیں لیاتاہم بس اڈے کے مالک سے پوچھ گچھ کی گئی۔ پولیس نے بتایا کہ ماسک بھیجنے والے اور پیکٹس پر درج نمبرز سے متعلق تفتیش جاری ہے۔ واضح رہے کہ گزشتہ روز بھی پولیس نے کراچی میں اولڈ سٹی ایریا کے علاقے کھارادر سے سرجیل ماسک کی ذخیرہ اندوزی میں ملوث 4 افراد کو گرفتار کیا اور ان کے قبضے سے 20 ہزار سے زائد ماسک برآمد کیے گئے۔
