میر پور خاص (نمائندہ جسارت) مدرسہ حیدر کرار خیابان یعقوب میں مدارس اور اسکول کے طلبہ کے درمیان ایک تقریری مقابلہ منعقد ہوا جس میں میر پور خاص کے مختلف مدارس اور اسکول کے طلبہ نے حصہ لیا۔ اس موقع پر خطاب کرتے ہوئے سنی رابطہ کونسل ضلع میر پور خاص کے صدر قاری عبدالرشید، حافظ احتشام الحق، مولانا عبدالمجید اور دیگر نے کہا کہ مدارس اور اسکول کے طلبہ کے درمیان تقریری مقابلوں کے اس مشترکہ پروگرام کا انعقاد خوش آئند ہے، مدارس اور اسکول کے طلبہ کے درمیان دوریاں ختم کرنے کی اشد ضرورت ہے، دینی اور دنیاوی تعلیم حاصل کرنا ہر مسلمان کی ذمے داری ہے، مدارس اور اسکول کے اشتراک سے ہی ہمارا ملک ترقی کے راستے پر گامزن ہوگا۔
