لاڑکانہ (نمائندہ جسارت) قنبر شہداد کوٹ ضلع کے شہر قبو سعید خان کے قریب لاڑکانہ سے بلوچستان کے شہر خاران جانے والی کوچ اور موٹر سائیکل میں ٹکر کے نتیجے میں لاڑکانہ شہر کے بھینس کالونی کا رہائشی 20 سالہ نوجوان بہادر مگسی اور محمد صفر مگسی شدید زخمی ہوئے، اطلاع پر حد کے تھانہ ربیع پل کی پولیس نے پہنچ کر کوچ کو تحویل میں لیتے ہوئے ڈرائیور کو گرفتار کرلیا۔ بعد ازاں دونوں زخمیوں کو علاج کے لیے چانڈکا اسپتال منتقل کیا جہاں زخموں کی تاب نہ لاتے ہوئے نوجوان بہادر مگسی دم توڑ گیا، جبکہ زخمی کو طبی امداد دی گئی۔
