دبئی(جسارت نیوز)رومانیہ کی نامور ٹینس اسٹار اور ایونٹ کی ٹاپ سیڈڈ سیمونا ہالپ ڈبلیو ٹی اے دبئی اوپن ٹینس ٹورنامنٹ جیت لیا۔ انہوں نے فائنل میچ میں قازقستان کی الینا ریباکینا کو شکست دیکر دوسری مرتبہ ویمنز سنگلز ٹائٹل اپنے نام کرلیا۔دبئی میں جاری ڈبلیو ٹی اے ایونٹ میں کھیلے گئے ویمنز سنگلز فائنل میچز میں سیمونا ہالپ نے قازقستان کی حریف کھلاڑی الینا ریبا کینا کو پہلے سیٹ میں 3-6 کی شکست کے باوجود اگلے اسٹریٹ سیٹس میں 6-3اور 7-6 (7-5) سے شکست دیکر ٹورنامنٹ جیت لیا۔ یہ 28 سالہ سیمونا ہالپ کا رواں سال کا دوسرا ڈبلیو ٹی اے ٹائٹل ہے جبکہ مجموعی طور پر 20 واں ہے۔ سیمونا ہالپ نے دوسری مرتبہ دبئی اوپن ٹینس ٹورنامنٹ جیت ہے۔
