لاہور(نمائندہ جسارت)پاکستان مسلم لیگ( ن) کی ترجمان مریم اورنگزیب نے کہا ہے کہ نیب عدالتوں میں ثبوت پیش کرنے کے بجائے مفرور ہے، اخلاص اور ایمانداری سے پاکستان کی خدمت کرنے والوں کو سزائے موت کی چکیوں میں بند کرنا ظلم ہے۔ایک بیان میں مریم اورنگزیب نے کہا کہ شاہد خاقان عباسی اور احسن اقبال کی ضمانت کے معاملے میں نیب مجرمانہ تاخیر کا دانستہ رویہ اپنائے ہوئے ہے، نیب کے وکیل کا عدالت میں پیش نہ ہونا نیب نیازی گٹھ جوڑ کا ثبوت ہے ۔مریم اورنگزیب کا کہنا تھا کہ قوم سوال پوچھ رہی ہے کہ وہ ثبوت کہاں ہیں، کیوں عدالتوں میں پیش نہیں کیے جا رہے، امید ہے بے گناہوں کو ان کا حق ملے گا۔
