لاڑکانہ (نمائندہ جسارت) انجمن طلبہ اسلام لاڑکانہ ڈویژن کی جانب سے 29 فروری ہفتہ صبح 11 بجے سر شاہنواز بھٹو لائبریری آڈیٹوریم ہال میں طلبہ کنونشن بعنوان ’’پیغمبر انقلاب کا فلسفہ انسانیت‘‘ منعقد ہوگا جس میں ملک کی مایہ ناز شخصیات اپنے خیالات کا اظہار کریں گی۔ اس سلسلے میں لاڑکانہ بھر میں انجمن طلبہ اسلام کے کارکنان کی جانب سے تیاریاں شروع کی گئی ہیں جبکہ تعلیمی اداروں کے پروفیسرز، مذہبی و تاجر رہنماؤں سمیت دیگر اہم شخصیات کو کنونشن میں شرکت کے لیے دعوت نامے بھیجے گئے ہیں۔
