لاہور : چیئرمین پیپلزپارٹی بلاول بھٹو زرداری نے کہا ہے کہ گرمیاں آنےدیں،بجلی ہوگی نہ ایئرکنڈیشنزچلیں گےمگربل تاریخی آئیں گے،حکومت ٹھیکےپرلی گئی ہے،اس کےپاس کوئی اختیارنہیں۔
بلاول بھٹو زرداری کا کہنا تھا کہ موجودہ حکومت کاٹھیکا پوراہوچکا،یہ6ماہ میں چلی جائےگی، پرویزمشرف دورکے تمام بحران دوبارہ سر اٹھا چکےہیں۔عوام کومہنگائی،حکمرانوں کےمعاشی استحصال کےرحم وکرم پرنہیں چھوڑسکتے،اب نکلاہوں پنجاب کےشہرشہرجاؤں گا۔
چیئرمین پی پی نے مزید کہا کہ پیپلزپارٹی کی گزشتہ بجٹ سےہی خواہش ہےکہ حکومت سے جان چھوٹ جائے،عمران خان سے پہلے نوازشریف بھی سلیکٹڈ تھے، پی ٹی آئی کی طرح (ن) لیگ بھی پارلیمنٹ کو اہمیت نہیں دیتی۔ بیرونی طاقتیں سلیکٹڈ حکومتوں کو ہی استعمال کرتی ہیں، وزیراعلیٰ سندھ کا باقی صوبوں کے وزرائےاعلیٰ سے بھی مقابلہ کرالیں، کارکردگی بہتر نظر آئے گی۔
