کراچی (اسٹاف رپورٹر) کوئٹہ سے تعلق رکھنے والا پشاور زلمی کا سپیشل سپورٹر سعید اللہ پاکستان سپر لیگ (پی ایس ایل) کے میچز دیکھنے کیلئے کراچی پہنچ گیا۔ پشاور زلمی کے چیئرمین جاوید آفریدی نے سعید اللہ کوخصوصی دعوت پر کراچی بلایا ہے۔ دونوں ٹانگوں سے معذور لیکن بلند حوصلہ سعید اللہ نے انٹرویو میں جاوید آفریدی اور ڈیرن سیمی سے ملنے کی خواہش کا اظہار کیا تھا۔ سعید اللہ نے کہا ہے کہ کراچی آکر پی ایس ایل دیکھنے کی بڑی خواہش پوری ہوئی ہے، جاوید آفریدی کا شکریہ ادا کرتا ہوں۔
