لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے سنگین نوعیت کے مقدمات میں ملوث روپوش و مطلوب 5 ملزمان کو گرفتار کرکے اسلحہ اور منشیات برآمد کرلی ہے۔ رحمت پور پولیس نے قتل کے مقدمے میں اشتہاری ملزم میہر جلبانی، آریجہ پولیس نے ملزم وحید بھٹو کو ریوالور اور گولیوں سمیت، قتل کے مقدمے میں اشتہاری ملزم صدر مغیری، مارکیٹ پولیس نے ملزم مختار جتوئی کو بھنگ سمیت، ملزم وقار کھاوڑ کو چرس سمیت جبکہ تعلقہ پولیس نے دوران چیکنگ ٹرک تحویل میں لے کر 600 لیٹر غیر قانونی ایرانی ڈیزل برآمد کرلیا۔ پولیس کے مطابق گرفتار تمام ملزمان کیخلاف مقدمات درج کرکے تفتیش شروع کردی گئی ہے۔
