لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ کے خلاف کاروائیان کرتے ہوئے روپوش و مطلوب 7 ملزمان کو گرفتار کرکے اسلحہ، چوری شدہ موٹرسائیکل، موبائل فونز اور نقدی برآمد کرکے مقدمات درج کرلیے ہیں۔ رتوڈیرو پولیس نے مقابلے میں ملزم صدام سومرو پستول اور گولیوں سمیت، نوڈیرو پولیس نے دوران چیکنگ ملزم مالک تیغانی کو بغیر لائسنس پستول اور گولیوں سمیت، سول لائین پولیس نے دوران چیکنگ ملزم احسان میربحر کو ریوالر اور گولیوں سمیت، دڑی پولیس نے دوران چیکنگ 2 روپوش ملزمان امداد لنجوانی اور وحید لنجوانی کو، باڈہ پولیس نے روپوش ملزم مشتاق عرف مصطفی بروہی کو اور نوڈیرو پولیس نے مطلوب ملزم امتیاز جوگی کو گرفتار کرلیا۔ دوسری جانب سول لائین پولیس نے شہری سہیل کلہوڑو کی چوری شدہ موٹرسائیکل اور شہری رشید بھٹی کا موبائیل فون برآمد کرکے مالکان کے حوالے کردیا۔
