نوابشاہ، کراچی سے پشاور جانے والی عوام ایکسپریس حادثے سے بال بال بچ گئی

نوابشاہ (ڈسٹرکٹ رپورٹر) کراچی سے پشاور جانے والی عوام ایکسپریس حادثے سے بال بال بچ گئی، نواب شاہ کے قریب ٹرین کا پریشر کمپلین ٹوٹ گیا مسافروں میں بھگڈر مچ گئی ایک ماہ میں تیسری ٹرین کا پریشرکمپلین ٹوٹنے کا واقعہ پیش آیا ہے۔ کراچی سے پشاور جانے والی عوام ایکسپریں خوفناک حادثے سے بال بال بچ گئی نواب شاہ کے قریب پریشر کمپلین ٹوٹ گیا جس کے باعث ٹرین کی تین بوگیاں الگ ہوگئی پریشرکمپلین ٹوٹنے کی خوفناک آواز نے مسافروں میں بھگڈر مچا دی اور ٹرین میں خوف ہراس پھیل گیا حادثے کی اطلاع پرریلوے حکام میں کھلبلی مچ گئی اور ریلوے عملہ موقع پر پہنچ گیابعداز اں پریشر کمپلین کی مرمت کے بعد ٹرین کو اگلی منزل کی جانب روانہ کیا گیا واضع رہے کہ گزشتہ ایک ماہ کے دوران یہ تیسری ٹرین ہے جس کا پریسر کمپلین ٹوٹا ہے۔