کراچی(اسٹاف رپورٹر) کشمیر کپ جونیئر باسکٹ بال ٹورنامنٹ میں عثمان باسکٹ بال کلب اور بحریہ باسکٹ بال کلب فائنل میں پہنچ گئیں۔ کراچی باسکٹ بال ایسوسی ایشن کے زیر اہتمام عبدالناصر باسکٹ بال کورٹ پر “کشمیر کپ جونیئر باسکٹ بال ٹورنامنٹ میں کھیلے گئے پہلے سیمی فائنل میں عثمان باسکٹ بال کلب نے مد مقابل پیٹرسٹن اسٹار کو شاندار مقابلے کے بعد 45کے مقابلے میں 48 باسکٹ پوائنٹس سے شکست دیکر فائنل کھیلنے کا اعزاز حاصل کرلیا۔ فاتح کلب کی جانب سے محمد حسن اقبال 18، ہمایوں اسلم 13 اور فیضان یوسف نے 11جبکہ رنرز اپ کی جانب سے سعد خان 14 پوائنٹس بنائے۔
