اعصام الحق نیو یارک اوپن ٹینس مینز ڈبلز میں آج ایکشن میں نظر آئیں گے

نیویارک(جسارت نیوز) پاکستان کے نامور ٹینس اسٹار اعصام الحق قریشی اور انکے برطانوی جوڑی دار ڈومینک انگلوٹ اے ٹی پی نیویارک اوپن ٹینس ٹورنامنٹ مینز ڈبلز ابتدائی میچ میں آج جمعرات کو ایکشن میں نظر آئیں گے ۔ تفصیلات کے مطابق ٹورنامنٹ مینز سنگلز اور مینز ڈبلز کیٹگریز کے مقابلے ہونگے۔ یہ ٹورنامنٹ انڈور ہارڈ کورٹس پر کھیلا جا رہا ہے ۔ ٹورنامنٹ میں دنیائے ٹینس کی نامور کھلاڑی ٹائٹل کے حصول کے لئے پنجہ آزما ہیں۔ ٹورنامنٹ کے مینز ڈبلز ابتدائی میچ میں پاکستان کے نامور ٹینس اسٹار اعصام الحق قریشی اور انکے برطانوی جوڑی دار ڈومینک انگلوٹ کا مقابلہ جان اسنر اور ٹومی پال پر مشتمل امریکی جوڑی سے ہوگا۔