گوادر(نمائندہ جسارت) ایم این اے محمد اسلم بھوتانی کے فنڈ سے گوادر شہر کے مختلف علاقوں میں بجلی کے ٹرانسفار مر کی فراہمی۔ 26لاکھ روپے کی لاگت سے تین نئے بجلی کے ٹرانسفارمر نصب کر دیے گئے۔ اہل علاقہ کا ایم این اے محمد اسلم بھو تانی سے اظہار تشکر۔ تفصیلات کے مطابق ایم این اے لسبیلہ گوادر محمد اسلم بھو تانی کے فنڈ سے کیسکو گوادر نے شہر کے مختلف علاقوں میں 200 اور 100کے وی کے حامل بجلی کے نئے تین ٹرانسفارمر نصب کر دیے ہیں یہ ٹرانسفارمر گوادر شہر کے رہائشی علاقوں نگوری وارڈ، ملا کر یم بخش وارڈ اور پرانا ملا بند وارڈ گوادر میں نصب کر دیے گئے ہیں۔اس موقع پر نیشنل پارٹی کے ضلعی صدر فیض نگوری، تحصیل صدر ناگمان اور بی ایس او ( پجار) کے سابقہ جو نیئرجوائنٹ سیکرٹری ولید مجید بھی موجود تھے ۔ تاہم نئے ٹرانسفارمر کی فراہمی پر اہل علاقہ نے ایم این اے محمد اسلم بھوتانی کا شکر یہ ادا کرتے ہوئے کہا ہے کہ نئے ٹرانسفارمر کی تنصیب کے بعد ان کو بجلی کے کم وولٹیج کے درپیش مسائل سے چھٹکارا ملے گا جس پر وہ ایم این اے کے شکر گزار ہیں۔
