ماسکو (جسارت نیوز) قزاخستان کی ٹینس ا سٹار ایلینا ریباکینا اور روس کی اناستاسیا پوٹاپوا ڈبلیو ٹی اے سینٹ پیٹرزبرگ اوپن ٹینس ٹورنامنٹ ویمنز سنگلز کا فاتحانہ آغاز کرتے ہوئے دوسرے رائونڈ میں پہنچ گئیں۔ روس میں ڈبلیو ٹی اے ایونٹ میں کھیلے گئے رائونڈ 32 میچز میں قزاخستان کی ایلینا ریباکینا نے عمدہ کھیل پیش کرتے ہوئے جمہوریہ چیک کی کترینا سینیاکووا کو ا سٹریٹ سیٹس میں 6-3 اور 6-4 سے شکست دیکر دوسرے رائونڈ کے لئے کوالیفائی کرلیا۔ ایک اور میچ میں روس کی اناستاسیا پوٹاپوا نے ہم وطن لڈمیلا سیمسونوا کو اسٹریٹ سیٹس میں 6-2 اور 6-4 سے ہرا دیا۔
