کراچی (اے پی پی) کشمیر کپ جونیئر باسکٹ بال ٹورنامنٹ میں عثمان کلب نے کراچی بلز کو شکست دیکر سیمی فائنل میں جگہ بنا لی۔ کراچی باسکٹ بال ایسوسی ایشن کے زیر اہتمام عثمان باسکٹ بال کلب کے تعاون سے عبدالناصر باسکٹ بال کورٹ آرام باغ کراچی پر “چوتھے کشمیر کپ جونیئر باسکٹ بال ٹورنامنٹ” میں عثمان کلب نے اپنے آخری لیگ میچ میں مد مقابل کراچی بلز باسکٹ بال کلب کو 41 کے مقابلے میں 46 باسکٹ پوائنٹس سے مات دیکر سیمی فائنل میں جگہ بنا لی۔ فاتح کلب کی جانب سے ہمایوں اسلم 15، عثمان خواجہ 13 اور حمزہ خواجہ نے 12جبکہ رنراپ کلب کی جانب سے ارشد عباسی 14، حسن راجہ 11 اور اسد اللہ نے 10باسکٹ پوائنٹس اسکور کرکے نمایاں کھلاڑی رہے۔
