کراچی (اسٹاف رپورٹر)یوم یکجہتی کشمیر کے حوالے سے کسٹمز پریوینٹو سروسز کلب میں سرسید یونیورسٹی کے کے زیر انتظام کسٹم ہاکی اکیڈمی اور سرسید یونیورسٹی کی ہاکی ٹیم کے درمیان ایک نمائشی میچ کھیلا گیا. میچ کسٹم ہاکی اکیڈمی نے 3 کے مقابلے میں 5 گول سے جیت لیا میچ کے مہمان خصوصی انٹرنیشنل ہاکی پلیر اور یوتھ اولمپک ہاکی ٹیم کے کوچ محمد علی تھے۔. کسٹم ہاکی اکیڈمی کی جانب سے شاہزیب نے 2 حماد ایاز, بلال عمران اور زنیر خان نے ایک ایک گول کیا. سرسید یونیورسٹی کی جانب سے کھیلتے ہوئے برہان, عمر حیات اوراسامہ کامل نے ایک ایک گول گول اسکور کیا۔ اختتامی تقریب میں انٹرنیشنل ہاکی پلیر محمد علی نے دونوں ٹیموں کے کھلاڑیوں میں انعامات تقسیم کیے۔اس موقع پر ڈائریکٹر اسپورٹس سرسید یونیورسٹی مبشر مختار, جاوید اقبال بیگ, آصف ظہیر, جنید اسلم اور طارق خان بھی موجود تھے
