ملتان میں پی ایس ایل کے لیے بھرپور انتظامات، شہر کی صفائی شروع، ٹریفک پلان جاری

ملتان (جسارت نیوز)پاکستا ن سپر لیگ 5 کے ملتان کرکٹ اسٹیڈیم میں ہونیوالے میچز کے انتظامات حتمی مراحل میں داخل ہو گئے۔ڈ پٹی کمشنر ملتا ن عامر خٹک نے ا سٹیڈیم جانے والے روٹ کی روزانہ کی بنیاد پر خصوصی صفائی کا حکم دے دیا ہے اور کہاہے کہ تمام شاہراہوں اور فلائی اوورز پر ا سٹریٹ لائٹس 100 فیصد بحال کی جائے۔ریسکیو 1122 بھی کرکٹ گرائونڈ میں کیمپ لگائے ،تمام ادارے انتظامات کو پرفیکٹ بنانے کے لیے بھرپور کوششیں کریں۔انہو ں نے ان خیا لا ت کاا ظہا ر اپنی زیر صدارت انتظامیہ کے جائزہ اجلاس سے خطا ب کر تے ہو ئے کیا۔اجلاس میں ایڈ یشنل ڈ پٹی کمشنر ز قمرالزمان قیصرانی،طیب خان،ہدایت اللہ، ایس ایس پی آپریشن کاشف اسلم، تمام اسسٹنٹ کمشنرز ، صحت، واسا، ٹریفک پولیس، کارپوریشن اور متعلقہ محکموں کے افسران نے شرکت کی جبکہ پاکستان کرکٹ بورڈ کی انتظامیہ نے اجلاس کو بریفنگ دی۔ڈ پٹی کمشنر عامر خٹک نے کہاہے کہ ا سٹیڈیم جانے والی شاہراہوں کے ڈیوائڈر کی اسکریپنگ کی جائے۔فرسٹ ایڈ فراہم کرنے کیلئے اسٹیڈیم کے اندر10 بیڈ کا منی اسپتال قائم کیا جائے۔ اسٹیڈیم کے باہر بھی محکمہ صحت کیمپ لگائے۔عامر خٹک نے میچز کے ٹکٹس بلیک میں فروخت کرنے کا بھی نوٹس لیااور کہا کہ پی سی بی میچ کے موقع پرشائقین کے لیے ٹکٹ فروخت کرنے کیلیے سیل پوائنٹس قائم کرے،بلیک میں ٹکٹ فروخت کرنیوالوں کو گرفتار کر لیا جائے گا۔دریں اثناء سٹی پولیس آفیسر ملتان محمد زبیر دریشک نے کہا کہ ملتان کرکٹ اسٹیڈیم میں پی ایس ایل کے کرکٹ میچز کے دوران وی وی آئی پیز کی سیکیورٹی اور شہریوں کی سہولت کو مدنظر رکھتے ہوئے ٹریفک کی روانی کو یقینی بنایا جائے۔ان خیالات کااظہارانہوںنے 15 سروس کائونٹر کے دورے کے موقع پر بات چیت کے کے دوران کیا جہاں سی پی او ملتان کو پاکستان سپر لیگ 2020 کے سلسلے ملتان کرکٹ اسٹیڈیم میں ہونے والے کرکٹ میچز کے دوران ٹریفک انتظامات پر بریفنگ دی گئی۔چیف ٹریفک آفیسر ملتان ہما نصیب نے ٹریفک انتظامات پر بریفنگ دی۔