بیونس آئرس (جسارت نیوز) ہالینڈ کے میٹ وی میڈلکوپ اور انکے برازیلین جوڑی دار مارسیلو دیمولینر نے اے ٹی پی کورڈوبا اوپن ٹینس ٹورنامنٹ جیت لیا۔ انہوں نے مینز ڈبلز فائنل میں حریف میزبان لیونارڈو مائیر اور اینڈرس مولٹینی پر مشتمل جوری کو شکست دیکر ٹائٹل اپنے نام کرلیا۔ ارجنٹائن میں اے ٹی پی ایونٹ میں کھیلے گئے مینز ڈبلز فائنل میچ میں ہالینڈ کے میٹ وی میڈلکوپ اور انکے برازیلین جوڑی دار مارسیلو دیمولینر نے شاندار کارکردگی کا مظاہرہ کرتے ہوئے لیونارڈو مائیر اور اینڈرس مولٹینی کو ا سٹریٹ سیٹس میں 6-3 اور 7-6(7-4) سے شکست دیکر ٹورنامنٹ جیت لیا۔
