ٹھٹھہ (نمائندہ جسارت) پاکستان آرمی سلیکشن اینڈ ریکروٹمنٹ سینٹر کراچی کے انچارج لیفٹیننٹ کرنل شہباز افضل ملک کی جانب سے جاری اعلامیے کے مطابق ٹھٹھہ اور سجاول اضلاع کے نوجوانوں کو پاکستان آرمی میں بھرتی کے متعلق ایک شیڈول جاری کیا گیا ہے جس کے تحت 11 فروری کو گورنمنٹ ڈگری کالج سجاول، 12 فروری کو میونسپل کمیٹی ٹھٹھہ جبکہ 13 فروری کو گورنمنٹ ہائر سیکنڈری اسکول میرپور ساکرو میں پاک آرمی میں بھرتی کے خواہشمند نوجوانوں کا میڈیکل چیک اپ اور تحریری امتحان لیا جائے گا۔ خواہشمند امیدواروں کو مشورہ دیا گیا ہے کہ وہ اوریجنل ڈومیسائل، مارک شیٹ (میٹرک، انٹر، بی اے، بی ایس سی) اسکول لیونگ سرٹیفکیٹ، پکا سرٹیفکیٹ، اپنا اور والد کا شناختی کارڈ اور 4 عدد پاسپورٹ سائز تصاویر مقررہ جگہ پر صبح آٹھ بجے اپنے ساتھ لائیں۔
